القهوة


اهلا بيك ف القهوة. ادخل متتكسفش، دي القعدة لسة هتبتدي و المشاريب ببلاش. في القهوة هتسمع كل حاجة، راجل عجوز بيكلم في السياسة ، او شاب صغير بيتكلم في الرياضة. هتلاقي عيل صغير بيكلم اصحابه عن اخر فيديو جيم، و هتلاقي واحدة بتكلم صاحبتها عن البلوزة اللي اشترتها امبارح. ايوة، هتلاقي بنات في القهوة. المكان راقي بالرغم من اسمه، و مناسب لجميع الاعمار و الاجناس. القهوة على طول مفتوحة، عمرك م هتيجي و نقوللك لا. مش عاوزينك تقلق، دايما هتلاقي مكان. عاوزينك بس ترتاح في الكرسي و تطلب زي ما انت عاوز. في القهوة كل الناس اصحاب، محدش بيحرج حد حتى لو اعترض على وجهة نظره. انا عارف انك لسة جديد، و انا مش اقدم منك ولا حاجة، صدقني هتحب الجو، في القهوة كله صاحب مكان. ادخل متتكسفش، دي القعدة هتحلو و المشاريب على طول ببلاش
.

Monday, June 21, 2010

انا جيييييييييت


السادة القراء المحترمين، اعتبارا من الخميس القادم انشاء الله ساكون قد انتهيت رسميا من اداء الخدمة الامتحانية الاجبارية، افرحوا بقى هيييييييييه





اما بانسبة للامتحانات، فهي كانت سهلة نسبيا، و ده بيخليني اسأل" هو انا سقطت ليه؟"

مهو يا اما المناهج بقت اسهل ، يا اما انا كنت بغل السنة اللي فاتت، و ممكن السببين مع بعض

المهم ان انا الحمد لله خلصت، و ياريت يكونوا الخمسة اللي بيقروا المدونة صبروا عليا و ممشيوش

3 comments:

دعـاء عـلى said...

سلاموا عليكوا يا اللى هنا :D
واحد شاى منعنع لو سمحت ^_^

أنا قلت أحط الطاطش بتاعى عشان أنا مليش كومنتات خالص هنا ! :D
ربنا يوفقك فى امتحانات كل سنة :)

SuperNova said...

و مالو! التدوينة كانت محتاجة ال"طاطش" بتاعك اساسا :))

انا سقطت بعديها تاني على فكرة :(

دعـاء عـلى said...

مليش دعوة أنا لسه حاطة الطاطش قريب :D

ولا يهمك ^_^
كل أمر المؤمن خير :))

Post a Comment