القهوة


اهلا بيك ف القهوة. ادخل متتكسفش، دي القعدة لسة هتبتدي و المشاريب ببلاش. في القهوة هتسمع كل حاجة، راجل عجوز بيكلم في السياسة ، او شاب صغير بيتكلم في الرياضة. هتلاقي عيل صغير بيكلم اصحابه عن اخر فيديو جيم، و هتلاقي واحدة بتكلم صاحبتها عن البلوزة اللي اشترتها امبارح. ايوة، هتلاقي بنات في القهوة. المكان راقي بالرغم من اسمه، و مناسب لجميع الاعمار و الاجناس. القهوة على طول مفتوحة، عمرك م هتيجي و نقوللك لا. مش عاوزينك تقلق، دايما هتلاقي مكان. عاوزينك بس ترتاح في الكرسي و تطلب زي ما انت عاوز. في القهوة كل الناس اصحاب، محدش بيحرج حد حتى لو اعترض على وجهة نظره. انا عارف انك لسة جديد، و انا مش اقدم منك ولا حاجة، صدقني هتحب الجو، في القهوة كله صاحب مكان. ادخل متتكسفش، دي القعدة هتحلو و المشاريب على طول ببلاش
.

Saturday, May 15, 2010

تهنئة




يحتفل الصديقان سارة دروش و شريف شقارية هذا الاربعاء بصدور كتابي زوجي مازال حبيبي و موس حلاقة.
.لذا وجب علي تقديم التهاني بهذه المناسبة
كما يدعوكم المدون " اللي هو حضرتي" لحضور حفل التوقيع.
الذي سيكون في كافيه روستيك - شارع الفاتح بجوار سوق الجملة بطنطا
لينك الايفنت ع الفيس
http://www.facebook.com/event.php?eid=119934918036223

مبروك يا شريف و يا سارة على الكتب و عقبال ما تاخدوا جايزة نوبل و تسلفوني نصها

2 comments:

سمو الأميرة سارة said...

الله يبارك فيك يا احمد يارب :)

ميرسي بجد شكراااااااااً ليك :)

وياسيدي يااااارب ناخد نوبل وانا اديك نصها من عونيا بس ناااااخدها

SuperNova said...

والله فيك الخير، الواد شريف قاللي انو هيبقى يديني اتنين جنيه و نص من الجايزة

Post a Comment