القهوة


اهلا بيك ف القهوة. ادخل متتكسفش، دي القعدة لسة هتبتدي و المشاريب ببلاش. في القهوة هتسمع كل حاجة، راجل عجوز بيكلم في السياسة ، او شاب صغير بيتكلم في الرياضة. هتلاقي عيل صغير بيكلم اصحابه عن اخر فيديو جيم، و هتلاقي واحدة بتكلم صاحبتها عن البلوزة اللي اشترتها امبارح. ايوة، هتلاقي بنات في القهوة. المكان راقي بالرغم من اسمه، و مناسب لجميع الاعمار و الاجناس. القهوة على طول مفتوحة، عمرك م هتيجي و نقوللك لا. مش عاوزينك تقلق، دايما هتلاقي مكان. عاوزينك بس ترتاح في الكرسي و تطلب زي ما انت عاوز. في القهوة كل الناس اصحاب، محدش بيحرج حد حتى لو اعترض على وجهة نظره. انا عارف انك لسة جديد، و انا مش اقدم منك ولا حاجة، صدقني هتحب الجو، في القهوة كله صاحب مكان. ادخل متتكسفش، دي القعدة هتحلو و المشاريب على طول ببلاش
.

Wednesday, February 17, 2010

تهنئة


تحتفل الصديقة العزيزة سارة درويش (سمو الاميرة سارة) في هذه الايام بالعيد القومي الثاني لمملكة اللسعان الخاصة بها (مدونة بنوتة لاسعة) لذا فقد وجب علي تهنئتها بهذه المناسبة.


مبروك يا سارة العيد القومي التاني، يارب تفضلي لاسعة على طول و نشوفك في السراية الصفرا

عنوان المدونة : http://bntlas3a.blogspot.com/

1 comment:

سمو الأميرة سارة said...

ياعسل يا احمد :))

ربنا يخليك يارب تسلم ويسلم ذوقك

وانت طيب دايماً يارب ويارب دايماً من زباين المملكة اللاسعة :)

Post a Comment